Willemstad – Awe mainta 18 di yüli 2022 Ministerio di Hustisia a enkontrá un problema tékniko ku elektrisidat, ku a pone ku e edifisio na Wilhelminaplein z/n no tin koriente. Den e edisfisio ta sinta e Sekretario General, Staf Ministerial i Gabinete di Minister.
A notifiká Aqualectra imediatamente di e situashon ku a presentá i nan a bin pa wak e situashon. Aqualectra ta trahando pa asina mas pronto posibel por solushoná e problema. Tin tramitenan andando pa pone un generator, di moda ku e ministerio por sigui funshoná debidamente. E empleadonan ku ta traha na e edifisio tin e posibilidat pa traha for di kas, pa por sigui brinda servisio na públiko manera ta kustumber.
Ministerio di Hustisia ta pidi diskulpa pa kualke inkumbinensia ku esaki por a trese kuné den transkurso di awe i durante e dianan benidero. Lo anunsiá mésora ku e situashon aki ta remediá.
