Bo opinion

Notisia

Ministerio di Hustisia ta traha riba komunikashon

Geplaatst op 26 June 2019 dor di Ministerio Hustisia

Ku e meta pa halsa e nivel di komunikashon interno i eksterno, Ministerio di Hustisia a organisá diferente tayer mensual riba e área di komunikashon p’asina ekipá trahadónan di e kadena hudisial.

E promé tayer ku a kuminsá na aprel 2019 a trata diseño gráfiko, na mei a kontinuá ku prensa i periodismo i na yüni a konsentrá riba organisá evento. Te na e momento akí e instruktornan tabata empleado di e propio organisashonnan ku ta pertenesé na e ministerio.

E promé tayernan ya tabata eksitoso! Nos ta anhelá pa e siguiente seshon di tayer, i naturalmente ta premirá resultadonan positivo riba término largu.

Na final di e terser tayer sekretario general di Ministerio di Hustisia, sra. Lai-Promes, a hasi entrega di sertifikado.

Riba potrèt por mira d.r.p.d. sra. Alberto di Slachtofferhulp, sra. Lai-Promes sekretario general di Ministerio di Hustisia i sra. Clement di Warda Kosta.

Grupo di empleado ku a risibí nan sertifikado.

Ministerio konserní