Publiká riba 19 Sèptèmber 2018
Despues di a kondusí un investigashon interno, representantenan di Servisio di Maneho di Tereno (Domeinbeheer) huntu ku representantenan di Ministerio di Salu, Medio Ambiente i Naturalesa, a aserka señor Isenia pa asina tende di dje kiko ta su prekupashon di un forma ofisial.
Durante e kombersashon a bini diferente punto dilanti, esakinan ta entre otro e echo ku
E kombersashon aki a finalisá kaminda partidonan a hasi palabrashonnan pa asina yega na solushonnan nesesario riba tèrmino kòrtiku. A palabra ku organisashonnan konserní lo hasi ehersisionan nesesario pa asina por definí ‘grens’ di e tereno di Parke Tropikal. Tambe lo aserka un eksperto pa asina analisá e sistema di dam den e área i bini ku rekomendashonnan pa asina remediá e situashon na momentu di hopi yobida. Despues di atendé e puntonan ariba menshoná kual e keda identifiká komo esnan di mas urgensia Gobièrnu huntu ku Parke Tropikal lo sigui atendé demas puntonan ku a keda trese dilanti den e kombersashon.
Minister di Tráfiko, Transporte i Planifikashon Urbano señora Zita Jesus-Leito ta lamentá ku e asuntu aki a tuma asina tantu tempu i ta di opinion ku e palabrashonnan hasi mester por sòru pa yega na un solushon rápidamente.