Mishon Ekonómiko pa Cuba; Minister Martina ta invitá komersiantenan pa ban Cuba - Informashon tokante Gobièrnu di Kòrsou Bo opinion

Notisia

Mishon Ekonómiko pa Cuba; Minister Martina ta invitá komersiantenan pa ban Cuba

Geplaatst op 05 October 2017 dor di Ministerio Desaroyo Ekonómiko

Resientemente Minister di Desaroyo Ekonómiko, Dr. Steven Martina a bishitá Republika Dominikana kaminda ela presedí un delegashon di empresarionan di Kòrsou. Den kuadro di importansha di mantenshon di relashonnan regional i internashonal, Minister Martina lo presedí un mishon komersial pa Cuba di 30 di Oktober pa 3 di November. Konforme akuerdo di gobernashon “Realisando e máksimo potensial di Kòrsou” Cuba ta un País prioritario.

 Ministerio di Desaroyo Ekonómiko ta apoyá i sostené eksportashon di produkto i servisionan lokal pa asina generá divisa. Pa e motibu ei komersio internashonal ta importante. Cuba gradualmente ta oumentando posibilidat pa sektor empresarial na Cuba, i ta habriendo su portanan pa komersio internashonal, ku un preferensha pa paisnan den Karibe. Según Minister Martina esaki ta hasi partisipashon na FIHAV  un oportunidat ku lo habri portanan pa komersio entre Kòrsou i Cuba. Durante e mishon pa Cuba, Minister Martina lo hiba  kombersashonnan ku representantenan haltu di Cuba pa diskutí tópikonan di importansha pa estrechá lasonan komersial entre Kòrsou i Cuba.  Empresarionan lo haña e oportunidat pa partisipá na e eksposhison internashonal FIHAV; Esaki ta un oportunidat uniko kaminda tur kompania Cubano i kompanianan ku ta representá otro Pais, di otro País  por kontra ku otro.

Pa mas informashon tokante partisipashon na e mishon pa Cuba i FIHAV, tuma kontakto ku Saïd Hensen di Sektor di Kooperashon Ekonómiko Ekstranhero (BES) na Said.hensen@gobiernu.cw  Nr. 462-1444 Ext. 129/194

 

Ministerio konserní