Publiká riba 19 Aprel 2024
Willemstad – 19 aprel 2024: Hopi Habitante ku ta biba pa bou di Dam Pretu lo tin molèster di huma e dianan benidero. Esaki debí na un kandela a surgi na Dam Pretu alrededor di 07:30 awe mainta.
Brantwer a bai i a atendé ku e kandela. Tambe tin un löder ta separando e materialnan ku no a kima ahinda for di e kandela. Pa awor no por hasi muchu mas. Den e dianan benidero trabou ku material pisa lo kontinuá. Tambe Brantwer lo sigui vigilá e situashon aki di aserka.
