Publiká riba 04 Yanüari 2019
Ministerio di Enseñansa, Siensa, Kultura & Deporte ta informá ku djarason 9 di yanüari trabounan di renobashon tei tuma lugá na skol di Fundeshi Prinses Margriet na Buena Vista. E trabounan lo tuma lugá den diferente fase i e promé fase lo dura te fin di aña eskolar.
E promé parti di renobashon ta tuma lugá na e edifisio kaminda e gruponan unu i dos ta ubiká. Lo aloká e gruponan unu i dos di skol di fundeshi Prinses Margriet pa e temporada aki na skol di fundeshi Cola Debrot na Noord Rozendaal. Esaki ta konforme e karta ku tur alumno di grupo unu i dos a risibí for di dia 19 di dezèmber 2018.
Nos ta risibí e alumno di skol di fundeshi Prinses Margriet di grupo 1 i 2 for di djaluna 7 di yanüari na skol di fundeshi Cola Debrot na Noord Rozendaal.
Si ta deseá por ‘dowmload’ e komunikado aki: Mudansa grupo 1/2 Skol di Fundeshi Prinses Margriet.
—
KOMUNIKASHON
Servisio di Skolnan Públiko
Ministerio di Enseñansa, Siensia, Kultura & Deporte
