Publiká riba 02 Aprel 2020
Apresiado mayornan,
Pa medio di esaki suskrito ta pidi boso atenshon pa lo siguiente.
En konekshon ku e pandemia di Corona Virus (Covid-19) Sektor di Kultura i Deporte di Gobièrnu di Kòrsou i Fundashon pa Desaroyo Integral di Mucha (SIFMA/ODIM) ta risibiendo bastante yamada telefóniko di mayornan ku ta indiká ku nan no ta paga e sentro-pre-eskolar kaminda nan yu ta bishitá. Tin diferente motibu ku kada mayor ta duna. E motibunan ku mas ta bini dilanti ta:
Ta importante pa informá ku sentronan ta personanan legal riba nan mes ku por drenta un areglo ku mayornan den e situashon aktual. Apesar di esaki Sektor di Kultura i Deporte na nòmber di Minister di Enseñansa, Siensia, Kultura i Deporte sr. Eugenne Rhuggenaath ta hasi un apelashon na tantu sentronan pre-eskolar komo na mayornan pa nos ban koperá ku otro pa por pasa e temporada difísil akí. E petishon ta bai pa kada mayor tuma kontakto ku e sentro konserní via telefòn pa asina por deliberá riba nan kaso spesífiko i yega na un situashon kumbiniente pa ambos partido.
Ta importante pa kòrda ku e yu mester sigui bai e sentro ora e situashon normalisá i ku e sentro-pre-eskolar tambe tin su debernan pa kumpli kuné tur fin di luna, primordialmente e pago na e lidernan pre-eskolar.
Mayornan ku a pèrdè trabou
Pa mayornan ku a pèrdè trabou e petishon ta pa nan registrá nan mes na Fundashon pa Desaroyo Integral di Mucha (SIFMA/ODIM).
Pa registra mester tin e siguiente dokumentonan:
Intenshon di e registrashon di mayornan ku a pèrdè trabou ta pa asina Gobièrnu por haña un bista kla di e situashon di forma ku tin datos pa por tuma desishon.
Ta hasi un apelashon na mayornan ku tin nan trabou ahinda i ku por paga e sentro-pre-eskolar pa kumpli ku esaki mas tantu posibel pa medio di yega na un akuerdo ku e doño di e sentronan pre-eskolar, di manera ku e sentro tambe por kumpli ku su obligashon nan i mantene kupo di trabou pa su trahadonan.
Pa registrashon i pa mas informashon por yama na 670-2930, 670-2931 i 670-2932 durante oranan di ofesina ku ta di 8:00 t/k 12:00 I di 14:00 pa 17:00.
Atentamente,
Directeur Sector Cultuur en Sport
Mw. Lizette Sambo – Velder, MBA