National Export Awareness Week 2020 lo tuma lugá kompletamente virtual - Informashon tokante Gobièrnu di Kòrsou Bo opinion

Notisia

National Export Awareness Week 2020 lo tuma lugá kompletamente virtual

Geplaatst op 13 May 2020 dor di Ministerio Desaroyo Ekonómiko

WILLEMSTAD- Ya pa tres aña konsekutivo Kòrsou ta dediká e di 3 siman di luna di mei pa duna atenshon na e importansia di eksportashon. National Export Awareness Week tur aña ta konta ku partisipashon di diferente pais den region i huntu ta kompartí hèrmèntnan pa empoderá tantu entidatnan gubernamental komo esnan partikular pa por yega na hasi uzo di e diferente benefishinan ku tin den eksportashon.

Teniendo kuenta ku reglanan vigente pa distansia sosial i aglomerashon di hende, a opta pa e aña aki kontinuá ku e siman di konsientisashon aki di forma kompletamente virtual. E aña aki National Export Awareness Week lo tuma lugá for di djaluna entrante dia 18 di mei te ku djabièrnè 22 di mei i lo trata e tema di eksportashon di servisio; Service Export; the path to prosperity.
Hopi bia ora nos papia di eksportashon e promé pensamentu ta kai riba produktonan tangibel ku por keda eksportá. Pero eksportashon di servisio tambe ta di sumo importansia pa ekonomia di un pais. Simplemente esaki ta enserá ku persona i/ òf kompanianan den eksterior tambe por hasi uzo di e servisio ku abo i/o bo kompania ta brinda.
Eksportashon di Servisio ta ofresé, entre otro, oportunidatnan inmenso pa realoká labor den bo pais, krea kuponan di trabou i ta ofresé solushon kontra posibel polarisashon di merkado laboral. E balornan agregá pa un pais eksportá servisio ta supstansial i a yega tempu pa Kòrsou tambe amplia mas riba e tereno aki i hasi uzo di e benefishinan ku esaki ta ofresé.
National Export Awareness Week 2020 lo konta ku diferente orado tantu lokal komo internashonal ku lo trata tópikonan di interes pa tur kompania ku ta ofresé servisio. Durante e siman aki lo tira lus riba Kòrsou su potensial di eksportashon i invershon i lo kompartí tambe progreso ku Gobièrnu ya a bin ta hasi den tantu strategia komo maneho pa krese nos ekonomia i hasi esaki mas duradero. National Export Awareness Week 2020 lo ta karga ku informashon, punto di bista i opinion, lansamentu di inisiativanan nobo workshop i historianan di éksito den eksportashon di servisio. Tur persona i/òf kompania ku ta duna servisio por registrá pa partisipá virtualmente na tur e seshonnan aki. Riba e página di Facebook di National Export Awareness Week Curaçao por tuma nota di e programa kompletu di e siman aki i tambe por registrá via di un link disponibel riba e página

Ministerio konserní