Publiká riba 27 Yanüari 2019
Willemstad – Minister di VVRP huntu ku Kuerpo Polisial Kòrsou ta anunsiá ku di awor en adelante lo no tolerá mas ku ta blokia entrada di keuringslokaal òf ku ta menasá empleado públiko. Tur ku hasi nan mes kulpabel di esaki ta keda arestá i lo konfiská nan vehíkulo. Esaki relashoná ku entre otro e echo ku djabiѐrnѐ último atrobe doño di vehíkulo, den e kaso aki motosaikelnan, mal-kontentu ta blokiá e entreda, menasá, i stroba otro klientenan di kùr.
Motosiklistanan a presentá na keuringslokaal i a eksihí pa nan vehíkulo kùr sin ku ta tin sita adelantá. Banda di esaki nan a mustra nan mal-kontentu pa e maneho nobo di Keugingslokaal, OM, i KPC di no kúr un motosaikel si su chasis ta mustra hopi indikashon di ta hòrtá òf ta den hopi mal estado. Na momentu ku e ‘keurmeester’ tuma nota di esaki, e ta indiká na e doño di e vehíkulo ku lo no kùr su vehíkulo i ku e mester bai na warda di Polis, pa Polis dun’é un komprobante pa ‘keuringslokaal’ ku ta indiká ku e vehíkulo no ta hòrtá. Ku e papel aki, ‘keuringslokaal’ por sigui ku e proseso di kùr e vehíkulo. Esaki ta pa evitá ladronisia di motosaikel.
Di awe, 28 di yanüari, 2018 te ku 4 di febrüari 2018 ‘keuringslokaal’ i KPC a palabrá, i ta anunsiá ku lo no kùr niun motosaikel durante e dianan aki. KPC, durante e dianan aki, lo no kontrolá niun motosaikel riba papel di kùr kaduká. Esaki ta pa duna e aparato espasio pa yega na un palabrashon nobo pa loke ta kùrmentu di motosaikelnan ku den pasado a kùr otro vehikulonan, i ku awor konformé e maneho nobo, lo no por kùr mirando ku e chasis ta den mal estado i por ta hòrtá.
Ta hasi un apelashon na tur motosiklista ku tin fecha pa kùr entre 28 di yanüari pa 4 di febrüari pa tuma kontakto ku Bentana di Informashon i traha un sita nobo despues di 4 di febrüari.
