Notisia

Mundu tur dia di nobo ta bira mas intolerante. Na Kòrsou tambe nos ta nota ku frekuensha kon hende ta lanta kontra di hende, no por dialogá i haña otro, diferente hende ku tin otro opinion ku ta blanko na atake, otronan ku no ta tribi di duna opinion pa miedu etc.

Awe 16 di novèmber ta e dia ku UNESCO a deklará komo “The International Day for Tolerance” pa anualmente lanta konsiensia públiko pa e peligernan di intoleransia. Gobièrnu di Kòrsou tambe ta para ketu na e dia aki i duna atenshon na aktividatnan ku ta promové toleransia.

• Toleransia ta un balor moral sentral den Deklarashon Universal di e Derechinan Humano.
• Toleransia ta un obligashon polítiko i legal pa tur hende i pais kumpli kune.
• Toleransia ta trata aspektonan di rèspekt, kolaborashon i diálogo ku diferente kultura, komunidatnan i hende.

Laga nos tur reflekshoná riba e dia i e momento aki kon kada un di nos por kontribuí na un Kòrsou mas tolerante. Ta #huntu so nos por logr’é

*******************************************************

MAS NOTISIA

Ministerio konserní: Enseñansa, Siensia, Kultura & Deporte