Obra Públiko ta sigui ku e siguiente fase di e trabounan na viadùkt Arubastraat, Otrobanda e fin di siman aki - Informashon tokante Gobièrnu di Kòrsou Bo opinion

Notisia

Obra Públiko ta sigui ku e siguiente fase di e trabounan na viadùkt Arubastraat, Otrobanda e fin di siman aki

Geplaatst op 01 September 2017 dor di Ministerio Tráfiko, Transporte i Planifikashon Urbano

Willemstad – Trabounan nesesario, na viadùkt  A.A. de Lannoy- Willems Boulevard for di Arubastraat bai Koningin Julianabrug direkshon di Punda, ta sigui. Outomobilistanan lamentablemente mester tuma e fin di siman aki tambe un ruta adaptá. Riba dianan 2 i 3 di sèptèmber, e kaminda bou di e viadùkt menshoná ta será pa tráfiko entre 8’or di mainta i 5’or di atardi.

Pa por yega na nan destinashon, tráfiko ku ke bai den e direkshon di Punda i ku normal ta pasa bou di e viadùkt di Arubastraat, mester sigui e diferente bòrchinan ku ta duna un guia na kon  a kore.  Pa bai direkshon di Punda biniendo for di Saliña, na lugá di kita for di brùg pa baha bai na Otrobanda, mester sigui bai e lusnan di tráfiko na Seru Dòmi i hasi un ‘u-turn’ pa bai bèk i kita for di e kaminda pa por drenta Otrobanda.

Un parti di e trabou ta tras di lomba kaba i den e fin di siman aki Betonbouw ta bai sigui ku algun trabou mas riba e viadùkt. E trabounan ta andando pa algun tempu kaba den fase. E ta tuma tempu pa motibu ku ta trata di un renobashon struktural i duradero. Ora ta kla ku e viadukto na Arubastraat, ta sigui ku esun na Skalo.

Kontratista Betonbouw NV, Obra Públiko i polis tékniko ta pidi públiko pa tene kuenta ku e trabounan i adaptá nan ruta durante di e trabounan di mantenshon. Ora no ta nesesario pa sera e kaminda kompletu, ta habri sikiera un via. Ta pidi outomobilistanan pa tene kuenta ku personal i material di renobashon ora ta trafiká den besindario di e viadùkt.  

Ministerio konserní