Notisia

Willemstad –    Lokèt di Pèrmit, Kranshi, Departamento di Reibeweis (Sta. Rosa) i Lokèt di Komunidat ta informá ku solamente djaweps, 5 di dezèmber, orario di klousura lo ta 2 or despues di mèrdia. E kambio aki ta konta solamente pa e dia aki.

Lokèt di Pèrmit, Kranshi huntu ku Departamento di Reibeweis i Lokèt di Komunidat na Sambil ku ta di  e Ministerio di Gobernashon, Planifikashon i Servisio Públiko, den kuadro di ehersisionan interno, ta sera mas tempran esta 14:00 or riba e djaweps 5 di desèmber aki. E orario di klousura aki ta konta pa e djaweps aki so. 

Servisio di Toelatingsorganisatie (Imigrashon) situá na Lokèt di Pèrmit ta sigui brinda su servisionan te ku 15:00 or na públiko.

E departamentonan aki ke pidi indulgensha pa e situashon i ta keda konta ku komprenshon di tur su klientenan. Ministerio di Gobernashon, Planifikashon i Servisio Públiko ta hasi su máksimo esfuerso di sigui sirbi pueblo di Kòrsou manera kustumbrá.

Pa mas informashon por tuma kontakto ku Lokèt di Pèrmit, Departamentu Bentana di Informashon, na 433-3123.

MAS NOTISIA

Ministerio konserní: Maneho di Gobernashon, Planifikashon i Servisio Públiko