Publiká riba 17 Òktober 2018
Willemstad – Servisio pa Obra Públiko (OW) a nota ku e liñanan riba partinan di Weg naar Westpunt a kuminsá kita. OW ta lamenta esaki i ta investigando kiko eksaktamente a sosodé ku e liñanan aki i lo drecha e situashon mas pronto ku ta posibel.
Na diferente punto na Kòrsou, Servisio pa Obra Públiko (OW) a marka kaminda i pone reflektor (“Cat Eye”) pa esakinan yuda guia e outomobilista den tráfiko. E markanan riba kaminda ta hasi e outomobilista konsiente di su área permití pa e por kore. Tambe esaki ta gui’é segun ku e ta kore indikando unda e por lora ora tin “stippellijnen”, unda e mester para i duna preferensia pa medio di “haaientaanden”, i mas.
OW ta atendé ku e situashon mas pronto ku ta posibel.
