Notisia

Willemstad- Dia 5 òktober ta selebrá mundialmente e Dia di Maestro o e Edukadó. Gobièrnu di Kòrsou komo miembro asosiá di Unesco tambe ta selebrá e Dia Mundial di Maestro kaminda ta para ketu na e ròl klave ku maestronan kalifiká ta hunga den garantisá kalidat den e derecho universal riba enseñansa.

E dia Mundial aki di Maestro ta un inisiativa di Unesco pa selebrá i pone lus speshal riba e kontribushon balioso di maestronan den formashon di siudadanonan pa futuro ku tin un posishon klave den logra nos metanan stipulá den e asina yamá Sustainable Development Goals/ SDG 4 ku ta garantisá edukashon igual i ekitativo ku ta inkluí tur mucha!

Na nòmber di Gobiernu di Kòrsou minister Marilyn Alcalá-Wallé ta felisitá i gradisí nos maestronan i tambe tur esnan ku ta sostené nos enseñansa pa nan aporte pa un mihó formashon di nos generashonnan.

https://en.unesco.org/events/world-teachers-day-2018-international-conference

MAS NOTISIA

Ministerio konserní: Enseñansa, Siensia, Kultura & Deporte