Palabrashonnan ku Gobièrnu di Kòrsou relashoná ku instrukshon - Informashon tokante Gobièrnu di Kòrsou Bo opinion

Notisia

Palabrashonnan ku Gobièrnu di Kòrsou relashoná ku instrukshon

Geplaatst op 14 June 2019 dor di Ministerio Asuntunan General i Promé Minister

DEN HAAG – Awe den oranan trempan di mainta (orario di Kòrsou) Hulanda i Kòrsou a yega na palabrashonnan pa yuda Kòrsou rekuperá finansieramente. Ta trahando na un areglo konhunto ku ta enserá palabrashonnan konkreto pa loke ta trata e reformenan struktural nesesario ku Kòrsou mester implementá, entre otro riba tereno di ekonomia, finansa públiko i e aparato gubernamental.

Ambos pais ta realisá ku esaki lo tuma su debido tempu i tambe ku e ta difísil pa realisá sin e sosten nesesario. Hustamente pa e motibu akí Hulanda ke ofresé un perspektiva finansiero konkreto ku ta yuda Kòrsou den su afan pa implementá e plannan komo parti di e Strategia di Kresementu di kabinete Rhuggenaath. Lo presentá e akuerdo akí dia 5 di yüli benidero. E sosten lo kana similar na e periodo ku Kòrsou mester pa por implementá e reformenan nesesario.

Kolegio di Supervishon Finansiero (Cft) a konsehá pa Kòrsou haña un instrukshon. Desishon definitivo pa ku esaki lo tuma lugá den e reunion di Konseho di Minister di Reino planiá pa 5 di yüli benidero.    

Ministerio konserní