Publiká riba 14 Desèmber 2023
WILLEMSTAD – Ya ta un tradishon ku señor Norwin Martina mihó konosí komo Kapelan Martina i su team, ta hasi entrega di Pan Dushi di Pasku, esta Pan di Amor, na klientenan di Prizòn den temporada di fin di aña.
E aña aki, Kapelan Martina i Chriss Snoep for di Hulanda konhuntamente ku un delegashon lo pasa na tur blòk i hasi entrega di e pan di amor.
P’esei pa ku e okashon aki tabata tin un seremonia spiritual na entradá di prizòn kaminda a hasi entrega ofisial di e promé pan di amor na direktor suplente señor Anthony Hasselmeijer i tambe na hefe di detenshon señor ludwin Maria.
Gerensia di prizòn ta sumamente gradisido pa e bunita gesto duna na klientenan di SDKK.
