Publiká riba 30 Ougùstùs 2018
Willemstad – Minister Zita Jesus Leito di Ministerio di Tráfiko, Transporte i Planifikashon Urbano (VVRP) ta pidi tur persona ku a hasi petishon pa pèrmit/ eksonerashon di bòrchinan di propaganda, konforme e lei di Òrdu Públiko (Landsverordening Openbare Orde (LOO)) ku a drenta na vigor dia 1 di ougùstùs 2015, pa por fabor pasa tuma e pèrmit/eksonerashon.
Tur persona ku a hasi petishon pa un pèrmit/ eksonerashon i a risibí kontesta via e-mail, tin 1 luna di tempu pa pasa na ofisina di ROP i atendé último detayenan pa tuma nan pèrmit/eksonerashon.
Sin e pèrmit no por pone e ophetonan di propaganda aki, i si esei a sosedé mester laga kita nan bek komo ku esaki ta ilegal. E doño mester tin e pèrmit den su poder promé ku kuminsá buta e bòrchinan.
Pa mas informashon tokante esaki por tuma kontakto ku Servisio pa Planifikashon Urbano, (ROP) via di number di telefòn 433-3209 òf na e-mail info.rop@gobiernu.cw . Pa mas informashon tokante e eksigensianan pa bòrchi òf otro ophetonan di propaganda komersial, por tuma nota di e Maneho pa Ophetonan di Propaganda (Beleid voor Reclame-uitingen) riba e website di VVRP (https://vvrp.cw/maneho/).
