Peaton tin Preferensha riba ‘Shared Street’
Publiká riba
07 Aprel 2025
Willemstad – Ministerio di Tráfiko, Transporte i Planifikashon Urbano (VVRP) ta enfatisá importansia di seguridat riba tráfiko i ta splika e konsepto di ‘Shared Street’. Na e tipo di kaminda aki, diferente tipo di usuario di tráfiko ta kompartí e mesun espasio, i e peaton semper tin preferensha.
Kiko ta un Peatòn i kiko un Shared Street?
Un ‘Peatón’ ta un hende ku ta kana na pia den tráfiko. Den un Shared Street – literalmente bisa ‘kaya kompartí’ – e espasio públiko ta organisá di tal manera ku e peatòn, siklista i tráfiko motorisá por usa e mesun kaminda den un forma sigur i igual. E konsepto aki ta gana popularidat mundial mirando ku e ta mehorá moveshon den siudat i ta alsá seguridat den tráfiko.
Dikon Shared Streets na Kòrsou?
Na Kòrsou tin hopi lugá ku hopi hende ta pasa diariamente, manera nos sentro di Willemstad i otro zona popular. Na por ehèmpel Breedestraat den Punda, i Pietermaai, e tráfiko ta mesklá i no tin seperashon fuerte entre alsera i kaminda. Shared Streets ta duna mas klaridat na tráfiko, e ta redusí velosidat di vehíkulo i ta mehorá moveshon sigur di peaton.
VVRP ta pidi tur usuario di kaminda pa tene kuenta ku peaton tin preferensha den e zona aki. Outomobilista i siklista mester adaptá nan velosidat i ta mas atento ora ta aserká un ‘Shared Street’.
Tráfiko Mas Sigur pa Kòrsou Huntu
Di e forma aki tambe, VVRP ta kontribuí na un infrastruktura mas mihó i sigur pa tur hende. Nos ta invitá tur usuario di kaminda pa respetá otro i traha huntu pa logra un tráfiko sigur i efisiente.
