Publiká riba 08 Febrüari 2021
WILLEMSTAD – Ministerio di Desaroyo Sosial, Labor & Bienestar (SOAW) ta partisipá ku entrante 9 di febrüari 2021, tur persona ku a pèrdè trabou for di 23 di desèmber 2020 te ku 23 di febrüari 2021 pa motibu di Covid-19, por apliká pa Sosten Laboral te ku 23 di febrüari 2021.
Aplikantenan mester di un 1) sédula bálido, 2) un kuenta di banko riba nòmber di e aplikante, 3) adrès di e banko, 4) number di CRIB personal (preferensial), 5) nòmber i adrès di e kompania kaminda e tabata traha, 6) su último 2 slepnan salarial, 7) su karta di retiro, 8) diploma òf sertifikado (opshonal) i 9) Curriculum Vitae (opshonal).
Si e dokumentonan no ta kompleto despues di 2 siman ku a apliká, ta kanselá e petishon. Meskos ta konta si bo yena bo number di identifikashon inkorekto.
Pa yena e formulario di aplikashon, bishitá www.fondodisosten.org.
Personanan ku mester di yudansa pa yena e formulario, por traha un sita ku helpdesk di SOAW via telefòn 724-5309, WhatsApp 510-7629 òf e-mail sostenemi@fondodisosten.org.
