Publiká riba 07 Yüni 2026
WILLEMSTAD: Djaweps 4 di yüni 2026, na Topaz Party Place a tuma lugá e seremonia di huramentashon di un grupo grandi di personal di SDKK di diferente funshon i departamentu na Sentro di Detenshon i Korekshon Kòrsou. Den un seremonia bunita a prestá huramentashon dilanti Minister di Hustisia sr.Shalten Hato, mas ku 60 personal di SDKK di entre otro unidat di detenshon, seguridat i atministrativo. Na okashon aki e personal di Foba i di Seguridat a risibí nan distinshon di Rango ( Rangonderscheidingsteken) serka Minister di Hustisia i tambe Direktor Suplente di Prizòn.
Na e okashon aki a hiba palabra durante e seremonia, Direktor Suplente sr.Anthony Hasselmeijer, Minister di Hustisia sr.Shalten Hato i tambe Pastor Jose Luis a duna un palabra di bendishon na tur presente i alabes a duna un presentashon musikal den un forma bunita di un orashon. Mas aleu un grupo di personal di SDKK a risibí nan pin di 25 i 35 aña di servisio i tambe nan a risibí nan sertifikado di rekonosementu (oorkonde) pa nan labor prestá durante tur e añanan na prizòn. Tambe den kuadro di e siman blou di Blue Nation a rifa tres pakete di bala di mundial bou di e invitadonan ku tabata presente na e seremonia aki.
E seremonia a terminá den ambiente ameno musikal ku entretenimentu di Dj Melo i Bob Saxophonist i tur presente por a felisitá i selebrá huntu ku tur esnan ku a prestá huramentashon i tambe e hubilarionan di 25 i 35 aña di servisio.
