Publiká riba 29 Aprel 2020
Willemstad – Siman pasá a sali den prensa ku e organisashon ku ta enkargá ku koordinashon di krísis òf kalamidat ta hasi un kambio di maneho di nan pas di eksonerashon pa kompania i institutonan vital. E mensahe ta bisa ku mester registrá atrobe pa un pas ku QR Code.
Nos di Ministerio di Desaroyo Sosial, Labor & Bienestar (SOAW) ta enfatisá ku esaki no ta konta pa e pas pa kuido sosial (mantelzorg) ku aplikantenan a haña di SOAW.
SOAW ta enfatisá ku tur esnan ku tin nan pas pa ehersé kuido sosial no mester preokupá, no trata na registrá di nobo pa e pas di kuido sosial (mantelzorg). Ku tin kambio lo nos komuniká esaki mediante e-mail òf un komunikado.
Tur persona ku a risibí nos dokumento digital por keda usa esaki huntu ku nan sédula konforme instrukshon brindá den e-mail.
