Publiká riba 08 Novèmber 2023
Willemstad – Den luna di yüni 2023, Vergunningenloket/Lokèt di Pèrmit, a introdusí un sistema digital nobo ku e nòmber ‘e-CuraCase’. Esaki den kuadro di mehorashon i optimalisashon di su servisionan na pueblo.
Entrante di 1 di novèmber 2023, no ta posibel mas pa hasi petishon via di e-mail pa sierto dokumentonan di gobièrnu. Awor ku tin ‘e-CuraCase’ bo por hasi bo petishonnan pa diferente dokumento via di e sistema nobo aki, anto awor den komodidat di e.o. bo kas òf ofisina, den forma digital.
Ta trata aki di dokumentonan manera:
Esakinan por pidi via loketdigital.gobiernu.cw
Petishonnan pa evenementu, Pèrmit di trabou (TWV) i karta pa transporte eskolar (schooltransport) mester keda hasí personalmente na nos ofisina situá na Saliña 127, pegá ku Subway Saliña. Pues tene bon kuenta ku no por hasi via di e-mail e petishon di dokumentonan di esnan menshoná último aki.
Vergunningenloket ke enkurashá tur siudadano pa subi ‘online’, hasi bo petishon pa bo sitanan di pasport, sedula, rijbewijs i sita pa Domeinbeheer via sita.gobiernu.cw.
Sita pa kùr vehíkulo por haña via sitaautokeuring.gobiernu.cw i pa petishon pa bo dokumentonan via di loketdigital.gobiernu.cw
Tin diferente kanal ku por drenta den kontakto ku Lokèt di Pèrmit kual nan ta Call Center ku ta alkansabel na 433-3123 i tambe por manda mensahe via social media na whatsapp ku e number 433-3127, Instagram via di loket.di.permit i FB via di Lokèt di Pèrmit.
Pa mas informashon por tuma kontakto ku nos libremente via un di e kanalnan ariba menshoná.
