Publiká riba 12 Òktober 2022
WILLEMSTAD – Debí na e diferente mal tempu ku Kòrsou a konosé den e dianan ku a pasa, kombiná ku laman brutu, esaki a okashoná daño grandi na entre otro e pir na Playa di Piskadó di West Punt.
Ministerio di GMN, despues di a tuma nota di esaki, a disidí pa den un forma inmediato será akseso na e pir na Playa di Piskadó, pendiente trabounan di renobashon ku mester kuminsá mas pronto posibel. Na e mes un momento, Ministerio di GMN mediante su departamento di AVB lo inventarisá tur e otro pirnan na Kòrsou pa mira nan kondishon
E kondishon ku e pir na playa di Piskadó ta aden na e momentunan aki, no ta responsabel pa hende subi ariba i p’esei a tuma e desishon pa sera esaki i laga drech’é mas pronto posibel di forma ku usuarionan lo por bolbe kuminsá hasi uso di dje. Ministerio di GMN ta pidi diskulpa pa e inkonvenensia aki.
