Plataforma di Kambio di Klima ta organisá su di tres Seshon
Publiká riba
29 Novèmber 2024
Willemstad – Plataforma di kambio di klima di Kòrsou, ku kolaborashon di Banko Sentral di Korsou i St. Maarten, a organisá riba djabièrnè 29 di November 2024, e di tres Seshon di Plataforma pa Kambio di Klima di Kòrsou. E evento a inisiá desde 8or di mainta i a terminá pa 6or di atardi na Banko Sentral di Kòrsou i Sint Maarten.
E seshon importante aki a reuní un grupo diversó di eksperto, manehadónan polítiko, negoshi, organisashon no-gubernamental (ONG) i suidadano preokupá pa kombatí huntu e desafionan ku kambio klimátiko ta trese. Durante e seshon, a enfoká riba stimulá desaroyo inovativo i hasi akshon desisivo pa forma un Kòrsou resiliente ku ta prepará pa e impakto di un klima ku ta kambia.
Plataforma pa Kambio di Klima di Kòrsou, ku ta dirigí pa señor Dr. Albert Martis, ta sirbi komo un foro esensial pa dialógo i kolaborashon. Partisipantenan a investigá strategianan konkreto ku por sostené un desaroyo sostenibel, preservashon ambiental i bienestar di komunidat pa enfrentá e desafionan di klima global.
