Presentá bo kantidato pa Krus di Mérito 2021 - Informashon tokante Gobièrnu di Kòrsou Bo opinion

Notisia

Presentá bo kantidato pa Krus di Mérito 2021

Geplaatst op 22 April 2021 dor di Ministerio Enseñansa, Siensia, Kultura & Deporte

Willemstad – Riba Dia di Bandera, esta dia 2 di yüli próksimo, Gobièrnu di Kòrsou ta bai entregá Krus di Mérito. E aña akí ta e di 18 edishon di entrega di Krus di Mérito. Di e forma akí, Gobièrnu ta duna rekonosementu na personanan ku a i ta hasi aktividatnan meritorio pa komunidat di Kòrsou.

Si bo ta un persona mayor di edat, di nashonalidat hulandes i ta biba na Kòrsou, bo ta bin na remarke pa bo presentá un kandidato. Pa presentá kantidato, mester yena un formulario ku algun dato di bo mes, i informashon amplio i balioso di e persona ku bo ta presentá. E informashon di e kandidato mester ta skibí digitalmente (p.e. via Word), pues no skibí na man.

E periodo pa hasi entrega di e formularionan ta entre 23 di aprel pa 23 di mei 2021. Por hasi esaki eksklusivamente na Sektor di Kultura i Deporte via di krusdimerito@gobiernu.cw .

Por ‘download’ e formulario di inskripshon aki: FORMULARIO PA PRESENTA UN NOMINADO PA KONDEKORASHON i den e foyeto aki por tuma nota di tur informashon: Foyeto Informativo Krus di Merito 2021 . Tambe por manda pidi e formulario via di krusdimerito@gobiernu.cw òf yama pa mas informashon na e siguiente numbernan di selular:

          entre 8or di mainta pa 5or di atardi: 562-7369 òf 529-7369 i

          entre 6or di atardi pa 8or di anochi: 516-2981 òf 511-9278 òf 5154924.

Ban duna mérito na nos mes hendenan i di e forma akí, pone nan komo ehèmpel bibu ku nos mes i nos yunan por sigui. Di e forma akí, nos ta selebrá patriotismo i yuda forma un base sólido pa sigui konstruí nos nashon. 

Ministerio konserní