Publiká riba 13 Mei 2026
Willemstad- Riba djárason, 13 di mei 2026 Konseho di Minister risibí un presentashon tokante seguridat alimentisio di Ministerio di Desaroyo Ekónomiko (MEO)
Durante di e presentashon a pone enfásis riba e echo ku Kòrsou mester invertí mas den produkshon di kuminda lokal, pa esaki lo pone rekurso finansiero disponibel. Tambe a indiká ku tin invershonistanan ku ta mustrando interes den e sektor agrario.
For di un análisis di e sektor aki a sali na kla ku modernisashon ta nesesario pa produsí di forma mas efisiente, entre otro via téknikanan manera smart irrigation i hydroponics. Tambe a papia tokante di e inisiativa ‘Makutu Saludabel’, kaminda seguridat alimentisio ta mará na nutrishon saludabel i salú públiko.
Ademas, nos sektor agrario mester ta mihó organisá, ku mas kooperashon den produkshon, almasenamentu i distribushon, huntu ku èkstra sosten pa kunukeronan. Tambe a papia tokante Parke Agrario Sint Joris. Esaki mester kombertí den un sentro pa kompartí konosementu i desaroyo agrario.
E meta ta pa finalmente tuma pasonan konkreto pa un sistema di alimentashon duradero pa Kòrsou.
E delegashon di Ministerio di Desaroyo Ekonómiko a konsistí di:
Sra. Mariëlla Olaria-Maduro (Presidente di ‘Projectgroep Voedselzekerheid’), Sra. Maartje Rojer- Voemen i Sr. Sjoerd Eendragt (Sekretariado di ‘Projectgroep Voedselzekerheid’),i Sr. John de Lannoy (NHC).
