Publiká riba 31 Ougùstùs 2023
WILLEMSTAD – Riba djárason 30 di ougùstùs, representantenan di Prinses Wilhelmina Fonds (PWF) tabata di bishita serka Konseho di Minister. E aña akí un biaha mas luna di sèptèmber lo ta luna di kolekta di PWF. Tema di e aña akí ta “Bo man den nos Man”.
PWF ta kompletamente dependiente di donashonan i 100% di esaki ta bolbe bèk komunidat den forma di sosten na pashèntnan ku kanser i nan famia. PWF alabes ta duna informashon tokante kanser i duna sosten na otro organisashonnan ku ta konektá ku e meta di PWF.
Durante di un enkuentro chikitu pero ameno, Ministernan a mustra nan apoyo dunando un bunita kontribushon na PWF.
