Prinses Wilhemina Fonds ta inisiá Luna di Kolèkt - Informashon tokante Gobièrnu di Kòrsou Bo opinion

Notisia

Prinses Wilhemina Fonds ta inisiá Luna di Kolèkt

Geplaatst op 01 September 2021 dor di Ministerio Asuntunan General i Promé Minister

WILLEMSTAD – Awe Stichting Prinses Wilhelmina Fonds a inisiá su Luna di Kolèkt.

Tres miembro di direktiva, Sra. Frieda Geller, Sra. Ageeth Termars i Sra. Grace Goede-Martina a bishitá gobernador Sra. Lucille George Wout pa hasi e promé donashon. Danki na e fondonan ku PWF kolektá durante henter luna di sèptèmber, pues danki na e kontribushon di komunidat, PWF por kubri lokual e ta hasi pa e pashèntnan di kanser di Kòrsou. No ta yuda e persona ku kanser só, pero por duna guia na su famia direkto tambe. E luna aki PWF lo tin buzon den supermerkadonan, bankonan, botika i mas instansia pa pueblo por kontribuí na e kousa. Kolektantenan lo aserká pueblo den fin di siman ku buzon. Keda pendiente riba Facebook di Prinses Wilhelmina Fonds pa mas informashon di Saturday Swipe Giving Day i otro akshonnan ku tin planeá.

Riba e potrèt Sra Ageeth Termars, sra. Grace Goede-Martina, Su Ekselensia Lucille George- Wout, sra. Frieda Geller-Faerman

Ministerio konserní