Publiká riba 23 Òktober 2019
Willemstad – Profesor Herbert (Bob) Pinedo i dr. Jacqueline Hugtenburg di Amsterdam VUMC resientemente a bishitá minister di Desaroyo Sosial, Labor i Bienestar ing. Hensley Koeiman.
E bishita a resultá den e workshop Problemanan sosial den relashon ku estilo di bida, ku ta tene djasabra awor 26 di òktober 2019 na Universidat di Kòrsou Dr. Moises da Costa Gomez. Prevalensia di diabetes na Kòrsou ta mas haltu ku na Hulanda i hopi otro kaminda. Esaki ta un di e malesanan ku pa gran parti ta influensiá dor di un estilo di bida ku no ta salú. Meta di e workshop ta pa huntu ku minister di SOAW i kontribushon di e partisipantenan haña un mihó bista di e estilo di bida ku no ta salú den komunidat i kon por influensiá un estilo di bida salú na Kòrsou a base di investigashon sientífiko.
