Bo opinion

Notisia

Promé karga di produktonan di yudansa pa Venezuela ta yega Kòrsou awe mèrdia.

Geplaatst op 21 February 2019 dor di Ministerio Asuntunan General i Promé Minister

Willemstad – E promé karga di produktonan pa duna yudansa na pueblo di Venezuela ta yega Kòrsou awe mèrdia, pa depositá te ora ta bira posibel pa sigui transportá nan pa Venezuela. Ta trata aki di produktonan kolektá durante un ʹfundraisingʹ di komunidat Venezolano na South Florida, Miami. E komunidat a sera un kontrato komersial ku dos kompania lokal, ku ta bai regla transporte lokal i lugá pa warda e produktonan.E produktonan ta yega den un avion komersial.

E produktonan, meskos ku tur produkto pa duna ayudo i ku ta bai yega Kòrsou den e simannan benidero, ta keda den depósitonan na Kòrsou. Gobièrnu di Kòrsou ta sigui informá ku niun karga di produktonan pa duna yudansa no ta bai Venezuela na un manera fòrsá. E yudansa for di Kòrsou ta bai sosodé ora esaki ta akordá dor di gobièrnunan di Venezuela. Tanten tur kargo ta keda den depósito komersial na Kòrsou.

Ministerio konserní