Publiká riba 25 Yüni 2021
WILLEMSTAD – Djaweps dia 24 di yüni 2021, Promé Minister Pisas a partisipá di forma virtual na un Konferensia Ministerial Ekstraordinario di ‘Overseas Countries & Territories Association’ (OCTA).
E Konferensia Ministerial Ekstraordinario akí, a tuma lugá pa formalisá e relashon entre OCTA, organisashon di e diferente pais i teritorionan di ultramar (LGOs), ‘United Kingdom Overseas Territories Association’ (UKOTA) i organisashon di e teritorionan Britániko di ultramar.
Entre otro pa motibu di Brexit, e teritorionan Britániko di ultramar no ta un LGO for di luna di febrüari 2020. Komo konsekuensia di esaki, e teritorionan Britániko ya no por ta miembro di OCTA mas. Djaweps 24 di yüni, OCTA i UKOTA a firma un Memorando di Entendimentu (MoU) basá riba e posibilidatnan pa konhuntamente traha riba diferente tema manera por ehèmpel kambionan di klima, oséano i energia.
Durante su intervenshon, Promé Minister Pisas a duna su sosten i apoyo na e kolaborashon akí, prinsipalmente mirando e relashon ku diferente di e LGOnan Britániko den nos region manera por ehèmpel Anguilla, Cayman Islands i Bermuda.
