Publiká riba 18 Mart 2019
Willemstad — Riba invitashon i gastu di e embahada di Reino na Panama, Promé Minister Rhuggenaath lo liderá un mishon ekonómiko di Reino di 17 pa 20 di mart 2019.
E mishon ta na okashon di e konferensia “Panama Maritime”, durante kua Promé Minister di Kòrsou tambe lo tene un presentashon na nòmber di Reino Hulandes. Un gran parti di e delegashon di reino ta konsistí di kompanianan di Kòrsou i tambe lo tin kompania di Hulanda i di Aruba.
Durante su bishita di 2 dia na Panama, Promé Minister Rhuggenaath lo probechá di tene enkuentronan bilateral ku entre otro Presidente Varela i outoridatnan di e kanal di Panama.
Riba foto di robes pa drechi: Sr. Billy Jonckheer, Presidente Kamara di Komersio Kòrsou, Promé Minister Sr. Eugene Rhuggenaath i Embahador di Reino Hulandes na Panama, Sr. Dirk Janssen.