Publiká riba 25 Òktober 2017
Dia 24 di òktober un delegashon di Venezuela, konsistiendo di entre otro presidente di PDVSA Dr. Nelson Martínez, Vise-Minister di Relashonnan den Karibe Sr. Raul Licausi, a bishitá Kòrsou pa reuní ku Promé Minister Eugene Rhuggenaath i tambe representantenan di Refineria di Kòrsou (RDK) i MDPT.
Durante e enkuentro na Fòrti a hiba kombèrsashonan inisial pa elaborá riba e posibilidatnan enkuanto futuro di nos refineria. Sr. Martínez a ekspresá interes di PDVSA pa keda envolvi.
Kombèrsashonan ku PDVSA ta forma parti di esfuersonan di Gobièrnu pa yega na e mihó solushon posibel pa futuro di nos sektor petrolero, teniendo kuenta ku aspektonan finansiero, social-ekonomiko, laboral i ambiental.
