Promé skol na Ingles
Publiká riba
23 Sèptèmber 2023
WILLEMSTAD – Ministerio di Enseñansa, Siensia, Kultura & Deporte (ESKD) a hasi apertura di e promé skol na ingles. E promé skol na ingles ta kai bou di Direktiva di Skolnan Katóliko i ta na Kolegio Sint Antonius na Sta. Maria. Minister enkargá ku enseñansa sr. Sithree van Heydoorn huntu ku Direktiva di Skol Katoliko, Konsulado Merikano, Kamara di Komersio a tene diskurso na apertura.
E skol ta kuminsá ku 2 promé grupo di enseñansa di fundeshi ku alumno ku tin e edat di entre 4 pa 6 aña. Desaroyo di abilidatnan kognitivo i kultural ta prioridat den e skol aki. E skol a bira un skol (immersieschool) kaminda e idioma di instrukshon ta bira ingles. Mayoria òf mihó bisá tur materia ta keda duná na ingles esaki ta nifiká ku e kuríkulo mester a keda diseña i adaptá speshal pa e skol aki. E enfoke di e skol ta tambe riba e aspekto pa stimulá desaroyo di e alumno pa e bira un suidadano global kaminda e tin abilidat i konosementu pa adaptá fasilmente.
Esaki ta un inisiativa i koperashon entre Konsul Merikano sra. Margie Bond huntu ku su tim, Direktiva di Skolnan Katóliko, Kámara di Komerio i Sektor di Enseñansa i Siensia. E partner nan aki a traha huntu pa por a logra e soño aki e a keda realisá e aña eskolar aki. Tambe por a tuma nota di e renobashon di un di e lokalidatnan ku a keda hasí pa Corendon Hotel den forma di un donashon.
Gobièrnu ta gradisí tur ku di un òf otro forma a aportá na e insiativa aki. Pero un palabra di apresio i gratitut na e siguiente organisashon/personanan:
- Konsul Merikano: Margie Bond, Kristin Lundberg i Sady Elhage;
- Direktor di Enseñansa i Siensia: Wladimir Kleinmoedig;
- Kamara di Komersio: Billy Jonckheer;
- Direktiva di Skolnan Katóliko: Presidente Ashley Duits, Royla Pierre, sr. Angelo Tyrol i sr. Edgar Palm;
- Funshonario: Jacqueline Cijntje;
- Maestra Naomi i Viani;
- Corendon Hotel: Biray Ogüt;
- Grupo di trabou: Dennis Dare, Douglas Vaughan, Rosette Balentien-Hofdam
- Desaroyado di Kuríkulo: Christine Jernigan i Karina Escajeda;
- Sint Antonius College: Zorina Huisden-Curiel, Carolina Gabriela, Milangela Joubert, Shuly Jansen i tur dosente, Anicio Koeiman i su tim tékniko, Els van Oostrum i tambe Kolegio Maria Auxiliadora pa su koperashon;
- Tur mayor ku a konfia i a inskribí nan yu den e promé 2 gruponan.
- Pa mas potrèt bishitá: Relato fotográfiko apertura promé skol na ingles
