Prosedura pa entrega opheshon na Ministerio di VVRP
Publiká riba
08 Òktober 2024
Willemstad – Ministerio di Tráfiko, Transporte i Planifikashon Urbano (VVRP) ta informá siudadanonan i organisashonnan ku, si nan tin nesesidat di esaki, por entrega un opheshon, na tempu i kompañá ku tur e rekisitonan nesesario, kontra dekretonan di e ministerio.
Aki por haña un resúmen di puntonan importante pa pone den un opheshon:
1. Nòmber i fam manera indiká riba e dokumento di identifikashon válido. Den kaso di un persona legal, mester agregá un prueba di Kámara di Komersio i un kopia di statuto. Si un otro persona ku no ta e persona mes ku ta presentá e opheshon na nòmber di e persona òf entidat legal (ku no ta abogado), mester agregá un outorisashon tambe.
2. Informashon di adrès: Esaki mester ta e adrès di biba di e persona ku ta presentá òf e adrès di establesimentu si trata di un entidat legal.
3. Informashon di kontakto: Un direkshon di e-mail i number di telefòn via kual por alkansá e persona ku ta presentá e opheshon.
4. Dekreto kontra kua ta entrega opheshon: Un deskripshon di e dekreto, por ehèmpel un pèrmit di konstrukshon òf otro desishon.
5. Interes di e persona ku ta entregá opheshon: Un deskripshon di e interes ku e persona tin pa presentá un opheshon.
Base di e opheshon: E persona ku ta presentá mester aklará riba kua base legal òf prinsipionan di gobernashon korekto e opheshon ta basá, inkluso echonan
7. Fecha di entrega: E opheshon mester ser presentá den seis siman despues di e fecha di e dekreto. Opheshon por ser mandá via e-mail na bezwaarschriftenvvrp@gobiernu.cw òf personal na e ofisina di e Ministerio di VVRP, situá na Seru di Ararat.
