Notisia

Willemstad – Ministerio di Desaroyo Sosial, Labor i Bienestar ta informá ku tur persona ku ta kobra ònderstant lo risibí e pago di sèn pa paña di skol (kledinggeld) pa aña 2026 den kinsena 15/2026. E fecha di pago ta dia 10 di yüli 2026. Personanan ku tin un entrada bou di suèldu mínimo por entregá nan petishon for di 1 di yüni 2026 na e Kas di Bario konserní.

Ken por bini na remarke pa sèn pa paña di skol ?
Pa por bin na remarke, mester kumpli ku e siguiente kondishonnan:

• Yu di mayor òf tutor ku ta kobra ònderstant òf tin un entrada bou di suèldu mínimo;
• E yu i e mayor/tutor mester ta inskribí den Registro Sivil di Kòrsou;
• Yu di estranhero mester tin un pèrmit bálido i ta registrá den Registro Sivil di Kòrsou;
• E yu mester ta entre e edat di 4 pa 18 aña i ta bishitá un skol supsidiá pa gobièrnu, manera:
  • Fundeshi
  • Skol spesial
  • SBO
  • HAVO
  • VWO

Dokumentonan ku mester wòrdu entregá
Na momentu ku hasi e  petishon, mester presentá ku e siguiente dokumentonan:

• Sédula, reibeweis òf pasport bálido di mayor/tutor òf persona outorisá ku ta bin hasi petishon;
• Sédula di e yu òf papel di òp òf buki di famia;
• Deklarashon di skol (schoolverklaring) pa aña skolar 2026-2027 Deklarashon di entrada for di Inspekshon di Belasting (pa personanan ku entrada bou di suèldu mínimo);
• Esnan ku tin un entrada bou di suèldu mínimo, si tin kuenta koriente di Banco di Caribe òf otro Banko lokal, mester trese e number di kuenta i e delaster statement di e Banko.

Unda por entregá petishon?
Petishonnan por wòrdu entregá na  e siguiente kasnan di bario:

• Kas di Bario Punda/Banda Ariba
  Tel: (+5999) 724-5251
  WhatsApp: (+5999) 562-7629
• Kas di Bario Brievengat
  Tel: (+5999) 724-5252
  WhatsApp: (+5999) 563-7629
• Kas di Bario Otrobanda
  Tel: (+5999) 724-5253
  WhatsApp: (+5999) 564-7629
• Kas di Bario Sta. Maria
  Tel: (+5999) 724-5254
  WhatsApp: (+5999) 565-7629
• Kas di Bario Dokerstuin
  Tel.: (+5999) 724-5253
  Whatsapp: (+5999) 514-7629

Último dia pa entregá petishon òf hasi keho relashoná ku kledinggeld ta dia 25 di sèptèmber 2026.

MAS NOTISIA

Ministerio konserní: Desaroyo Sosial, Labor i Bienestar