Prosedura pa petishon i pago pa sèn pa paña di skol (kledinggeld) - Informashon tokante Gobièrnu di Kòrsou Bo opinion

Notisia

Prosedura pa petishon i pago pa sèn pa paña di skol (kledinggeld)

Geplaatst op 29 May 2018 dor di Ministerio Desaroyo Sosial, Labor i Bienestar

Willemstad- pa medio de komunikado aki, Minister di Desaroyo Sosial, Labor i Bienestar, sr. Hensley F. Koeiman, na nòmber di Gobièrnu di Kòrsou, kier a informá tur kobradó di ònderstant ku nan lo risibí pago di sèn pa paña di skol (Kledinggeld) pa aña 2018 den kinsena 15/2018 (fecha di pago dia 09 yüli 2018). Personanan ku tin un entrada bou di suèldu mínimo, por pasa entrante 1 di yüni 2018 na e kas di Bario konserní pa hasi nan petishon.

Ken por bini na remarke pa sèn pa paña di skol:

  • Yu di mayor o tutor ku ta kobra ònderstant òf tin un entrada bou di suèldu mínimo;
  • Yu di un mayor o tutor ku ta inskribí den Registro Sivil di Kòrsou. Mayor o tutor tambe mester ta inskribí.
  • Yu di un estranhero ku tin un pèrmit bálido i ta inskribí den Registro Sivil di Kòrsou;
  • Yu ku ta kai bou di lei di skol obligatorio i ta bishitá un skol di fundeshi, skol spesial, SBO, HAVO, VWO- supsidiá dor di gobièrnu;

Dokumentonan ku mester entregá na momentu di un petishon:

  • Sédula òf reibeweis òf pasport bálido di mayor òf tutor òf e persona outorisá ku ta bin hasi petishon;
  • Sédula di yu òf papel di op òf buki famia;
  • Deklarashon ku e yu ta inskribí na skol (schoolverklaring) aña 2018-2019 si e yu ta riba 18 aña;
  • Esnan ku tin un entrada bou di suèldu mínimo mester trese e deklarashon di entrada di inspekshon di impuesto (Belasting), i si nan tin kuenta koriente di Maduro & Curiel’s Bank òf otro Banko lokal, trese e number di kuenta tambe.

Petishon pa sèn pa paña di skol (kledinggeld) por wòrdu entregá na:
Kasnan di Bario: Punda, Ótrobanda, Sta. Maria i Brievengat.

  • Klientenan di Kas di Bario Bándariba por entregá petishon na Kas di Bario Punda.
  • Klientenan di Kas di Bario Dokterstuin por entregá petishon na Kas di Bario Otrobanda.
  • Ultimo dia pa entregá petishon i hasi keho relashoná ku sèn pa paña di skol ta dia 15 novèmber 2018.

Minister di Desaroyo Sosial, Labor i Bienestar
Señor Hensley F. Koeiman

Ministerio konserní