Proyekto “Ki bunita kreashon” di SOAW ta un éksito - Informashon tokante Gobièrnu di Kòrsou Bo opinion

Notisia

Proyekto “Ki bunita kreashon” di SOAW ta un éksito

Geplaatst op 21 September 2018 dor di Ministerio Desaroyo Sosial, Labor i Bienestar

Willemstad – Ministerio di Desaroyo Sosial, Labor i Bienestar ta tuma e timon pa, huntu ku tur siudadano, kompanianan i institutonan, stimulá desaroyo sosial i bienestar di habitantenan di pais Kòrsou.


Un di e enfokenan di Ministerio di Desaroyo Sosial, Labor i Bienestar ta pa stimulá partisipashon i inklushon sosial bou di su klientenan i ku e guia i sosten nesesario, fasilitá akseso na merkado laboral di e grupo di enfoke aki. Pa logra esaki, Sektor di Desaroyo Sosial ta ehekutá programanan di reedukashon i formashon, proyekto- i trayektonan di siña i traha kaminda e kliente ta siña un fishi. Di e manera aki Sektor di Desaroyo Sosial ta yuda klientenan pa para riba nan mes pia i bira ekonómikamente independiente. E trayekto “Ki Bunita Kreashon” akuminsáfor di 2017 i ta un di e medionan ku Ministerio di Desaroyo Sosial, Labor i Bienestar ta hasi uso di dje pa duna e kliente e hèrmèntnan nesesario pa di e forma aki e tin mas posibilidat pa haña un puesto riba merkado laboral òf pa bira empresario chikí.

Dia 21 di sèptèmber e trayekto “Ki Bunita Kreashon” a finalisá. 15 kliente a kuminsá i 10 a terminá e trayekto ku éksito. Ku e trayekto aki a pone énfasis riba e abilidatnan básiko pa ehersé e fishinan di kosementu i obra di man. A siña e hóbennan aki, entre otro, téknikanan básiko pa kose na man i tambe e uso di mashin di kose. Tambe nan a siña kon pa hasi obra di man di diferente tipo. E enfoke tabata pa e hóbennan aki produsí diferente produktonan pa bende ku turista i asina logra lanta un empresa chikí.


Ministerio konserní