Proyektonan ku lo inisiá ku e maneho di Tax Holiday lo suma aproksimadamente 250 mion florin - Informashon tokante Gobièrnu di Kòrsou Bo opinion

Notisia

Proyektonan ku lo inisiá ku e maneho di Tax Holiday lo suma aproksimadamente 250 mion florin

Geplaatst op 21 June 2021 dor di Ministerio Finansa

WILLEMSTAD – Ku un kambio temporal den maneho en konekshon ku reglanan tokante Tax Holiday, Minister di Finansa señor mr. drs. Javier Silvania lo stimulá invershonistanan lokal pa invertí sumanan mionario na Kòrsou den 2021.

Na e momentunan akí den práktika Servisio di Impuesto ta duna Tax Holiday (grondontwikkeling) solamente na momento ku 80% di e proyekto lo keda poné na disposishon di personanan estranhero, sea pa medio di benta òf pa medio di hür. Pa motibu di Covid-19 aktualmente no tin hopi stranhero na Kòrsou i konsekuentemente ta difísil pa invershonistanan kumpli ku e kondishon di 80%.

Pa medio di un kambio temporal den maneho di Servisio di Impuesto, minister di finansa lo aprobá ku por duna Tax Holiday for di momento ku 20% of mas di kumpradónan di kas i òf apartemènt ta estranhero.

Ku e kambio akí por konta ku un invershon di aproksimadamente 180 mion florin den 2021. Spesífikamente lo hasi uso di e Tax Holiday pa proyektonan manera One Mambo pa un suma di 25 mion florin, Blue Ocean pa un suma di 7.5 mion florin, Bay Side pa un suma di 35 mion florin, Vredenberg pa un suma di 13 mion florin, Zeebries pa un suma di 65 mion florin, Sint Marie pa un suma di 18 mion florin, Alablanca pa un suma di 10 mion florin, Blue Bay pa un suma di 6 mion florin, i finalmente The Jazmyn i The Ridge huntu pa un suma total di 70 mion florin. Sumando un gran total di 250 mion florin.

Riba pòrtrèt: Minister di Finansa señor mr. drs. Javier Silvania den kombersashon ku invershonistanan tokante su maneho di Tax Holiday.

Ministerio konserní