Publiká riba 21 Yüni 2019
Pruebanan Final pa Enseñansa di Fundeshi (EFO) 2019 a tuma lugá 3 pa 10 mei 2019. Alumnonan ku tabata malu òf ousente na un òf mas dia a haña e oportunidat for di nan direktiva di skol pa hasi nan tèst(nan) 13 pa 16 mei 2019. En total 1866 alumno a partisipá na e EFO tèst. 17 alumno mester a hasi 1 òf mas sekshon di tèst entre 13 ku 16 mei 2019. For di nan un alumno no a presentá. E skornan di e alumno aki no ta inkluí den e análisis general di e resultadonan.
Resultadonan EFO 2019
Den e nuebe añanan ku a pasa e resultadonan di e EFO tèst ta duna nos un skor di tèst promedio di 60%. Aña pasá e skor promedio tabata 61%. E aña aki, e di dies aña, e ta 61% tambe. Pa R&W e skor promedio e aña aki ta un tiki mas abou ku aña pasá, miéntras e skor promedio pa Hulandes a subi un tiki i e skor promedio pa Papiamentu a keda igual. Mester studia e kousa di e avanse òf atraso pasobra no tin tèst, kandidato òf sirkunstansia idéntiko.
Skor promedio
E skornan promedio pa kada sekshon di tèst na 2016, 2017, 2018 i 2019 ta menshoná abou (e skornan total ku por haña pa kada sekshon ta 90).
| EFO – 2016 | EFO – 2017 | EFO – 2018 | EFO – 2019 | |
| Hulandes | 50,87 = 51 | 45,19 = 45 | 48,49 = 48 | 50,72 = 51 |
| Papiamentu | 64,01 = 64 | 64,47 = 64 | 61,31 = 61 | 60,81 = 61 |
| Matemátika i Aritmétika | 54,21 = 54 | 56,59 = 57 | 55,61 = 56 | 53,95 = 54 |
Konseho pa skol avansá
En total 26% di e alumnonan a haña un konseho pa havo, 67% pa vsbo i 6% pa ago