Publiká riba 28 Yanüari 2022
WILLEMSTAD – Gerensia di Justitiële Jeugd Inrichting Curaçao (JJIC) a tuma nota di informashon den media sosial tokante posibel abuso seksual di kliente i ta informá lo siguiente.
JJIC a risibí keho di e kliente i a hasi denunsia riba esaki. JJIC ta un instituto ku ta sali semper na defensa i protekshon di mucha i hóben den e instituto. JJIC tin proseduranan pa debidamente atendé tur kaso ku por surgi den e instituto.
Ora ta asina leu ku investigashon di e kaso por duna mas informashon; esaki te kaminda ta posibel. Komo ku den JJIC ta trata di hóben menor di edat, semper ta trata tur kaso ku diskreshon i rèspèt pa privasidat di e hóben.
