Notisia

WILLEMSTAD —  Na 27 di yanüari último sra. Marilyn Alcalá-Wallé a entregá su retiro, despues ku Ministerio Públiko a indiká ku ta bai inisiá un investigashon penal. Relashoná ku esaki a duna sra. Marilyn Alcalá-Wallé despensashon den kuadro di situashon speshal pa tres (3) luna.

Sra. M. Alcala-Wallé ta trahadó/ámtenar pa 30 aña kaba ku a traha na Ministerio di Enseñansa, Siensia, Kultura i Deporte (ESKD) i Ministerio di Asuntunan General. Entrante 28 di aprel 2020 e mester a kuminsá traha bèk den su funshon komo kolaborador di maneho na Ministerio di ESKD. Komo ku e investigashon penal no a terminá ainda i ta wardando riba esaki, konforme e maneho di Gobièrnu (artíkulo 46 di LMA) a duna sra. Alcalá-Wallé restrikshon di akseso pa 3 luna di tur e edifisionan di Ministerio di ESKD.

Resientemente ku aprobashon di e Ministerio, sra. Alcalá-Wallé tabata presente pa un deliberashon personal ku e Sekretario-General di Ministerio di ESKD pa loke ta trata e periodo benidero.

—

KOMUNIKASHON

MAS NOTISIA

Ministerio konserní: Enseñansa, Siensia, Kultura & Deporte