Notisia

Willemstad – Departamento di Asuntunan Públiko di Ministerio di Gobernashon, Planifikashon i Servisio Públiko ta ekspresá su apresiashon pa e kolaborashon i komprondementu di públiko durante e último simannan den kuadro di e mudansa temporal di servisio di Kranshi.

E periodo di transishon aki a bai di manera ordená i efisiente, danki na e kolaborashon di siudadanonan.

Despues ku trabounan a kana sigun plan i na tempu a yega e momento pa nos muda nos servisionan bek pa nos edifisio prinsipal na Roodeweg 42.

Esaki ta nifiká ku entrante 28 di april proksimo tur servisio lo wòrdu ofresé di nobo for di e edifisio prinsipal.

Tuma nota: Tur persona ku ya tin un sita pa tuma akta i deklarashon na Sambil mester bai na Sambil mes pa tuma esaki.

E servisio digital ta keda disponibel i lo sigui wordu fasilitá pa sostené un servisio aksesibel i efisiente.

E ministerio di BPD ta ekspresá su apresiashon sinsero pa tur amtenar i empleadonan di Asuntunan Públiko. Nan dedikashon, trabou duru i flexibilidat a hasi posibel pa kompletá ku èksito e mudansa temporal.

Ministerio di BPD ta keda komprometé na ofresé un servisio di haltu kalidat i orientá na kliente.