Registrá korektamente pa prekario online
Publiká riba
20 Novèmber 2025
Willemstad – Tim di Prekario ta hasi un yamada na tur kliente ku ta registrá online pa yena tur informashon korekto i kompleto, pa asina garantisá e konfirmashon di registrashon.
Además, Tim di Prekario ta pidi atenshon speshal riba e siguiente puntonan importante:
- Kontrolá bo e-mail pa chèk ku e ta yená korektamente.
- Durante registrashon online, yena tur informashon ku presishon,,
- Yena bo number di kavel ku lèter grandi (por ehèmpel: KV…) i sin espasio entre KV i e number.
- Tene bo pèrmit di aña pasá na man pa por yena e dato korekto den e formulario.
Tim di Prekario ta gradisí tur persona pa nan kooperashon i ta konta ku nan apoyo pa kontinuá ku un proseso di registrashon organisá i efisiente.
Anunsio tokante Registrashon Online pa Sekshon D i C
Durante e dos simannan ku a pasa, Tim di Prekario a dediká na e registrashonnan personal i administrativo pa sekshon D + C .
Pa mehorá efisiensia i aksesibilidat, Tim di Prekario ta informa públiko ku registrashon pa Sekshon D i C por tuma lugá solamente online.
