Registrashon pa èksamen di reibeweis pa studiantenan - Informashon tokante Gobièrnu di Kòrsou Bo opinion

Notisia

Registrashon pa èksamen di reibeweis pa studiantenan

Geplaatst op 19 May 2021 dor di Ministerio Maneho di Gobernashon, Planifikashon i Servisio Públiko

Willemstad  –  Departamentu di Reibeweis (Sta. Rosaweg) ta pidi tur studiante, ku ke pasa eksámen pa reibeweis promé ku nan bai studia den eksterior e aña aki, pa nan registrá nan mes via di rijbewijzen.puz@gobiernu.cw

Huntu ku e registrashon mester manda:

  • Kopia di identifikashon, i
  • Prueba ku a hasi petishon na SSC òf DUO pa bai studia den eksterior e aña eskolar 2021/2022.

Último dia pa registrá ta 15 yüni 2021. 

Departamento di Reibeweis no por garantisá un sita pa eksámen pa studiantenan ku ta hasi 18 aña korto tempu promé ku nan biahe.

Pa mas informashon, por tuma kontakto via number di telefòn 736-2929. Tambe por manda un mail na rijbewijzen.puz@gobiernu.cw. 

Departamentu di Reibeweis ta forma parti di e Ministerio di Maneho di Gobernashon, Planifikashon i Servisio Públiko. 


Ministerio konserní