Rekordatorio riba reglanan pa propaganda polítiko den áreanan públiko - Informashon tokante Gobièrnu di Kòrsou Bo opinion

Notisia

Rekordatorio riba reglanan pa propaganda polítiko den áreanan públiko

Geplaatst op 20 January 2021 dor di Ministerio Tráfiko, Transporte i Planifikashon Urbano

WILLEMSTAD– Servisio pa Planifikashon Urbano (ROP) ta rekordá komunidat tokante reglanan vigente pa propaganda polítiko den áreanan públiko. Por trata aki di bòrchi, bandera òf kualke otro opheto. Tur partido polítiko por pone nan propaganda polítiko segun e maneho di propaganda. Esaki ta for di dia ku entregá lista di partido polítiko pa elekshon esta mayan 21 di yanüari 2021, te ku 8 dia despues di fecha di elekshon di aña 2021, esta 27 di mart 2021. Esaki ta konforme “Landsverordening Openbare Orde” (LOO) artíkulo 16 insiso 4. ROP ta hasi un apelashon na tur partido pa nan tene nan mes na e reglanan.

 

Pa seguridat di nos komunidat den áreanan públiko i kuido di nos mobilario di kaya, ta importante pa tene na kuenta ku e reglanan pa propaganda politiko. Esaki ta disponibel via di e link aki: https://gobiernu.cw/nieuw/reglanan-pa-propaganda-politiko-den-areanan-publiko/

Pa mas informashon tokante eksigensia di tipo di propaganda polítiko, por tuma kontakto ku VVRP na info.vvrp@gobiernu.cw

Ministerio konserní