Publiká riba 15 Febrüari 2023
Willemstad – Servisio pa Tráfiko i Transporte (UOVV) ta hasi un apelashon na tur doño di vehíkulo, ku nan karchi di kùr ta bai kaduká den luna di mart òf aprel, pa traha un sita pa kùr trempan i evitá inkumbinensia. Por traha sita pa kùr for di awor i no tin nodi warda te na último momento pa traha sita.
Manera tur aña e periodo aki, esta yanüari, febrüari i mart, ta unu hopi drùk. Esaki ta pone ku tin un lista di espera pa kùr ta mas largu ku normal.
Patras di kada karchi di kùr tin un indikashon pa traha sita ku antisipashon por lo menos 2 siman adelantá. No ta tur ora UOVV por kumpli ku esaki. Awor ku nos ta den un temporada drùk, e tempu di espera por varia entre 3 pa 4 siman di antipashon.
Sita pa kùr
Por subi e website https://sitaautokeuring.gobiernu.cw/ pa traha un sita pa kùr. Por hasi esaki 24/7 i for di kua parti di mundu ku bo por ta. Solamente bo bo tin mester tin bo karchi di kùr na man.
Tambe por akudí na Lokèt di Pèrmit na Saliña pa buska un fecha òf yama na number di telefon 433-3123.
Minister Charles Cooper ta spera ku tur doño di vehíkulo ta kumpli ku nan deber síviko di kùr nan vehíkulo i asina kontribuí na un tráfiko mas sigur.
