Relato di Inspekshon di Salú relashoná ku situashon aktual di Hospital St. Elisabeth - Informashon tokante Gobièrnu di Kòrsou Bo opinion

Notisia

Relato di Inspekshon di Salú relashoná ku situashon aktual di Hospital St. Elisabeth

Geplaatst op 04 September 2019 dor di Ministerio Salubridat Públiko, Medio Ambiente i Naturalesa

Willemstad – E situashon aktual di kuido den luna ku a pasa no a normalisá i komo konsekuensha e kantidat di pashènt ku tin operashon posponé tambe a sigui oumentá. Mirando ku ainda no tin bista ki dia lo e normalisá apesar di garantia duná dor di SVB dos siman pasá pa paga e provedornan den kaso ku Hospital St. Elisabeth no por, Inspekshon di Salú a disidí di duna instrukshon na e hospital konforme Artíkulo 14 di e Ordenansa di Inspekshon, pa laga Inspekshon evaluá i monitoriá durante e konsulta di prioridatnan pa asina monitoriá e proseso material i medionan pa kuido di aserka i tambe e proseso pa bai pa normalisá e kuido. Tur esaki pa garantisá kumplimentu ku Artíkulonan 8 i 9 di Oderdenansa di Organisashonnan di Kuido, inkluso hospitalnan di Kòrsou.

 

Den kuadro di e evaluashon ku ta tumando lugá pa mira ku kon leu hospital a i ta organisá kuido i tambe uza fondonan disponibel pa garantisá kuido, luna pasá e hospital a disidí unilateralmente di no sigui suministrá informashon finansiero relevante pa e evaluashon na Inspekshon di Salú. Relashoná ku esaki Inspektor di Salú a disidí pa duna Hospital St. Elisabeth un instrukshon konforme Artíkulo 14 di e Ordenansa di Inspekshon pa kumpli ku Artíkulo 11 di e mesun Ordenansa i reanudá e suministro di informashon pa Inspekshon di Salú por kumpli ku su tareanan di supervishon manera lei ta preskribí.   

 

Inspektor di Salú 

Prof. Dr. S. O. Keli 

Ministerio konserní