Reservashon pa èksamen práktiko di reibeweis - Informashon tokante Gobièrnu di Kòrsou Bo opinion

Notisia

Reservashon pa èksamen práktiko di reibeweis

Geplaatst op 31 January 2021 dor di Ministerio Maneho di Gobernashon, Planifikashon i Servisio Públiko

WILLEMSTAD  –  Departamento di Reibeweis (Sta. Rosaweg) di ministerio di Maneho di Gobernashon, Planifikashon i Servisio Públiko ta informá ku entrante djárason 3 febrüari 2021, e siguiente personanan por pasa pa reservá un fecha nobo pa nan èksamen práktiko.

  • Personanan ku a pasa èksamen di teoría ku éksito den e periodo 19 òktober te ku 30 òktober 2020;
  • Personanan ku no a pasa èksamen práktiko ku éksito den e periodo 19 òktober te ku 30 novèmber 2020.

Departamento di Reibeweis ta rekordá tur persona lo siguiente:

  • Personanan ku a pasa èksamen teóriko ku éksito promé ku 19 òktober 2020 i ku no a reservá un sita pa èksamen práktiko, pa pasa personal hasi esaki. 
  • Personanan ku no a pasa èksamen práktiko ku éksito promé ku 19 òktober 2020 i ku no a reservá un sita di nobo pa èksamen práktiko, pa pasa personal hasi esaki.
  • Tene na kuenta ku ‘Bewijs van Storting’ i resultado di teoría ku a vense entre 16 mart i 31 desèmber 2020 ta keda bálido te ku 30 aprel 2021. No ta posibel pa manda mas patras fecha di èksamen despues di 30 aprel 2021. Si pa kualke motibu e kandidato no por hasi èksamen, e dokumentonan menshoná lo pèrdè nan bálides. Lo mester kumpra un dokumento nobo i/òf pasa eksámen teóriko di nobo.
  • Reservashon di fecha nobo pa kandidatonan di kua Departamento di Reibeweis a kanselá nan sita di èksamen pa motibu di lockdown, por tuma fecha nobo te ku 26 febrüari 2021. No ta posibel pa manda mas patras fecha di èksamen despues di 26 febrüari 2021. Si pa kualke motibu e kandidato no por hasi èksamen, e Bewijs van Storting i/òf resultado di e èksamen teóriko lo pèrdè bálides.

Pa mas informashon por tuma kontakto via number di telefòn 736-2929. Tambe por manda un mail na rijbewijzen.puz@gobiernu.cw.

 

Ministerio konserní