Residentenan di Kòrsou por lo pronto no por regresá - Informashon tokante Gobièrnu di Kòrsou Bo opinion

Notisia

Residentenan di Kòrsou por lo pronto no por regresá

Geplaatst op 27 March 2020 dor di Ministerio Asuntunan General i Promé Minister

Willemstad – Entrante djaluna 30 di mart 2020, residentenan di Kòrsou, ku ainda ta den eksterior, no por regresá durante sigur e siguiente dos simannan.
Te ku mañan ainda ta posibel pa residente ku un pasashi bálido por bula bèk, segun e eksepshon riba e prohibishon pa drenta Kòrsou.
A sobra dos eksepshon riba e prohibishon di por drenta Kòrsou:


BAI KÒRSOU PA TRABOU
1. Personanan ku mester biaha pa Kòrsou pa eherse trabounan ku pa Kòrsou ta esensial, mester haña un pèrmit ofisial di Minister di Asuntunan General. E organisashon lokal ku ta deseá di trese e persona Kòrsou, mester hasi e petishon aki. Ningun persona individual no por pidi pèrmit serka Minister di Asuntunan General.

Entrega di pèrmit

Pa entregá un petishon pa pèrmit mester hasi esaki via un formulario standardisá. Por haña e formulario aki riba www.gobiernu.cw/documenten
Mester manda e petishon aki na reisverificatie.cur@gobiernu.cw

Despues di un evaluashon ta disidí si e persona ta bini na remarke pa un pèrmit. Den kaso ku otorgá e pèrmit, e organisashon i e persona konserní ta risibí esaki. E pasahero mester ta den posishon di un ʹPublic Health Passenger Locator Cardʹ (di WHO) i mester manda esaki yená pa reisverificatie.cur@gobiernu.cw promé ku yegada na Kòrsou.
Via di
Gobièrnu su wèpsait tambe por haña e link aki si ta nesesario. 


KUIDO MÉDIKO URGENTE 

2. Den kaso di un petishon pa duna asistensha médiko ku urgensia na un pashènt ku mester drenta Kòrsou ku avion, Minister di Salubridat, Medio Ambiente i Naturalesa ta tuma desishon. E petishonnan aki ta drenta via di e hòspitalnan konserní serka e Minister di GMN.
Despues di aprobashon/pèrmit di Minister di GMN, e pashènt por biaha pa Kòrsou huntu ku un guia. Tur esaki lo pasá konforme protokòlnan pa transporta pashènt ku mester di kuido médiko urgente. 


Promé ku e vuelo, e guia tin ku yena e
ʹPublic Health Passenger Locator Cardʹ i manda esaki na reisverificatie.cur@gobiernu.cw
Lenk pa e “Public Health Passenger Locator Card”:  https://www.who.int/ihr/ports_airports/locator_card/en/

Ministerio konserní